kutubhona

ҳадис ривоят қилди (лафз Абу Ғассонники), бизга Муоз ибн Ҳишом Даставоий, менга отам Қатодадан ҳадис ривоят қилди, бизга Ҳасан Зобба ибн Миҳсан Аназийдан, у Умму Салама онамиздан, у Набий с.а.в.дан ривоят қилди:

«يُسْتَعْمَلُ عَلَيْكُمْ أُمَرَاءُ فَتَعْرِفُونَ وَتُنْكِرُونَ، فَمَنْ كَرِهَ فَقَدْ بَرِئَ، وَمَنْ أَنْكَرَ فَقَدْ سَلِمَ، وَلَكِنْ مَنْ رَضِيَ وَتَابَعَ. قَالُوا يَا رَسُولَ اللَّهِ أَلاَ نُقَاتِلُهُمْ؟ قَالَ: لاَ، مَا صَلُّوا»

«Устингизга шундай амирлар тайинланадики, сизлар танийсизлар ва инкор қиласизлар. Бас, ким ёмон кўрса покланади, ким инкор қилса саломат қолади. Лекин ким рози бўлса ва тобе бўлса (пок ва саломат бўлмайди). Шунда: уларга қарши жанг қилмаймизми? – дейишди. Росулуллоҳ: Йўқ, модомики намозни адо этар эканлар, дедилар». Бу билан шариат халифани гуноҳ қилишдан ман қиладиган тариқатни кўрсатиб берди. Бу тариқат уни ман қиладиган бир имомнинг мавжуд бўлиши эмас. Аксинча у Умматдир. Халифа уни гуноҳдан ман қиладиган яна бир халифага муҳтож, деб айтадиган киши ҳокимият нималигини идрок ва тасаввур қилмаган кишидир. Чунки халифа бошқа бир халифани ман қилмайди. Аксинча ҳокимият талашиб унга қарши жанг қилади ёки унга тобе бўлиб халифа эмас, волий бўлади. Шундай экан бир халифа бошқа бир халифани гуноҳдан ман қилишини қандай тасаввур қилиш мумкин, ахир?

Учинчидан: Имомат илоҳий мансаб эмас. Аксинча у башарий мансабдир. У илоҳий қонунни муҳофаза қилиш учун эмас, балки Аллоҳ саййидимиз Муҳаммад с.а.в.га нозил қилган шариатни татбиқ этиш учун мавжуддир. Шариатни муҳофаза қилишга келсак, Аллоҳ Қуръонни муҳофаза қилишни Ўз зиммасига олар экан шариатни муҳофаза қилишни ҳам Ўз зиммасига олди. Аллоҳ Таоло деди:

إِنَّا نَحْنُ نَزَّلْنَا الذِّكْرَ وَإِنَّا لَهُ لَحَافِظُونَ
«Албатта бу эслатмани (яъни Қуръонни) Биз Ўзимиз нозил қилдик ва шубҳасиз, Ўзимиз уни сақлагувчимиз» [Ҳижр: 9]

Шунинг учун халифани тиклашдан мақсад уни Набий с.а.в. олиб келган барча нарсани муҳофаза қилувчи этиб тиклаш эмаски, халифа ҳамма ҳукмларни муҳофаза қилиш учун уларнинг ҳаммасини биладиган олим бўлиши вожиб деб айтилса. Аксинча халифани тиклашдан мақсад Китоб ва Суннат ҳукмларини барпо қилишдир, яъни Исломни татбиқ этиш ва унга бўлган даъватни оламга кўтариб чиқишдир. Бу